【分享】台州土话——犹大书

benojan

1 YIA-SU Kyi-toh-keh nu-boh, Ngô-kôh hyüong-di Yiu-da, sia sing peh dziao-le, Vu-ts’ing Zông-ti su e-sih-keh, yü Yia-su Kyi-toh pao-yiu cü-ts:
1 耶穌基督個奴僕，雅各兄弟猶大，寫信撥召雷，父親上帝所愛惜個，為耶穌基督保佑主子：

2 Dæn-nyün z-pe, bing-ön, zing-e, kah-nga kô-ts’eo peh ng-he.
2 但願慈悲，平安，情愛，格外加湊撥爾許。

3 Ts’ing-e-keh hyüong-di, ngô kyi-zin ing-gying sia sing peh ng-he, kông kyiu ngô-he cong-nying-keh eng-yü, pih iao sia liang-kyü ky’ün ng-he iao zing-lih pao-siu jong-zin su djün-ziu sing-du-keh dao-li.
3 親愛個兄弟，我既然殷勤寫信撥爾許，講救我許眾人個恩惠，必要寫兩句勸爾許要盡力保守從前所傳授聖徒個道理。

4 Ing-yü yiu kyi-ke nying kô-le zih-kao, z yü-sin ding-kyü iao ziu keh ying-væh, ge-he z feh gyin-sing, yüong ngô-he Zông-ti-keh eng-yü pin tso ying-lön z-kön, feh tsiao-nying doh-ih-yü Cü ziu-z ngô-he Cü Yia-su Kyi-toh.
4 因為有幾個人加來入教，是預先定規要受個刑罰，渠許是弗虔心，用我許上帝個恩惠變做淫亂事幹，弗招認獨一位主就是我許主耶穌基督。

5 Su-i yiu ih-yiang z-kön, shü-tsih ng-he yi-kying ming-bah, ngô iao tse di-sing ng-he, ziu-z Cü kyi-zin kyiu pah-sing c’ih Yi-gyih, ts-‘eo yi we djü-mih feh siang-sing cü-ts.
5 所以有一樣事幹，雖即爾許已經明白，我要再提醒爾許，就是主既然救百姓出矣及，之後咦會除滅弗相信主子。

6 T’in-s feh siu-lao peng-le-keh tsih-veng, li-k’e ge-z-keh di-bu, Cü yüong üong-yün feh dön-keh t’ih-lin ze heh-ön ts-cong kwön-æh ge teng-tao sing-p’ön do nyih-ts.
6 天使弗守牢本來個職份，離開渠自個地步，主用永遠弗斷個鐵鏈在黑暗之中管押渠等到審判大日子。

7 Yi ziang Su-to-mô, Ngo-mo-læh teh deo-ky’ün kôh zing-li, ah z-t’ih tso ying-lön z-kön, i-jong s-yüoh, ge-he ziu üong-yün ho siao-keh ying-væh z ming-ming hyin-c’ih pông-yiang peh ngô-he.
7 咦像所多瑪，蛾摩拉搭頭圈各城裏，阿z-t’ih做淫亂事幹，依從私欲，渠許就永遠火燒個刑罰是明明顯出榜樣撥我許。

8 Keh-sih nying ziang tso mong, nyin we-u ge-keh kyi-sing, ky’ing-mæn yiu gyün-ping, sih-doh yiu yüong-wa cü-ts.
8 箇些人像做梦，人穢污渠個己身，輕慢有權柄，褻瀆有榮華主子。

9 Dæn-z ting do t’in-s Mi-kô-leh teh mo-kyü ze-teh nyi-leng Mo-si-keh s-siu, ah feh kön yüong tsiu-mô shih-wa tsah-bi ge, tsih kông, “Dæn-nyün Cü tsah-væh ng.”
9 但是頂大天使米迦勒搭魔鬼在耷議論摩西個尸首，阿弗敢用咒駡說話責備渠，只講，“但願主責罰爾。”

10 Dæn-z ge-he hyü-pông ge su feh hyiao-teh z-kön: ziu-z ge sang-zing ziang m li-sing-keh cong-sang, su hyiao-teh z-kön, lin keh z-kön tu we z wa-gao z.
10 但是渠許譭謗渠所弗曉得事幹：就是渠生成像嘸理性個眾生，所曉得事幹，另個事幹都會是壞爻自。

11 Ge-he yiu ‘o-tse, ing-yü z tseo Ke-ing-keh lu, yü t’ön-ze ‘ôh Pô-læn-keh wang-li, ziu mih-vông ze Ko-læh-keh ts’ao-lön.
11 渠許有禍災，因為是走該隱個路，為貪財巴蘭個wang-li，就滅亡在哥拉個ts’ao亂。

12 Keh-sih nying ‘ao-vu kyü-gyi teh ng-he tso-côh ky’üoh-væn, tsih kwön pao z-kyi k’eo-toh, keh z ng-he zing-e tsiu-yin-keh u-tin; ge ziang m yü-keh yüing bi fong p’iao-dong; ts’iu-t’in m-yih feh kyih-ko-keh jü, s-ku yi s, lin keng-deo tu bæh-gao;
12 箇些人毫無kyü-gyi 搭爾許做桌吃飯，只管飽自己口toh, 箇是爾許情愛tsiu-yin個污點，渠像嘸雨個雲被風飄動；秋天嘸有弗結果個樹，死過咦死，連根頭都拔爻。

13 he-li hyüong-mang-keh po-lông hyin-c’ih ge-z-keh tao-me; liu-gao-keh sing-siu, yiu üong-yün heh-ön-keh su-ze teng ge.
13 海裏兇猛個波浪顯出渠自個倒楣；流爻個星宿，有永遠黑暗個所在等渠。

14 ô-tông di-ts’ih de-keh seng Yi-nôh yü-sin ts-tin keh-yiang-ts nying, kông,
14 亞當第七代個孫以諾預先指點箇樣子人，講，

15 “Cü teh Ge vu-ts’in-da-mæn-keh sing-du ziu we le sing-p’ön cong-nying, peh feh gyin-sing-keh ze-nying su tso ih-ts’ih feh gyin-sing z-kön, teh ge su kông ih-ts’ih hyü-pông Cü-keh ôh wa tsah-væh væn-pah feh gyin-sing cü-ts.”
15 “主搭渠無千大萬個聖徒就會來審判眾人，撥弗虔心個罪人所做一切弗虔心事幹，搭渠所講一切譭謗主個惡話責罰væn-pah弗虔心主子。”

16 Ge-he z-kyi feh ts-coh, tsih ün-‘eng, ‘eo z-keh s-yüoh, (mön-k’eo kông do wa), yü li-sih tseng-djong nying-keh nga-mao.
16 渠許自己弗知足，只怨恨，候自個私欲，（滿口講大話），為利息尊重人個外貌。

17 Dæn-z ng-he ts’ing-e-keh hyüong-di, iao kyi-nyin ngô-he Cü Yia-su Kyi-toh-keh s-du yü-sin su kông; ge-he teh ng kông,
17 但是爾許親愛個兄弟，要紀念我許主耶穌基督個使徒預先所講；渠許搭爾講，

18 Meh-de z-si pih yiu ky’ing-cü cü-ts c’ih-le ‘eo z-kyi feh gyin-sing-keh s-yüoh.
18 末代時世必有ky’ing-cü 主子出來候自己弗虔心個私欲。

19 Ge-he tsih-yiu s-yüoh m-yiu ling, su-i iao teh kong-we feng-k’e.
19 渠許只有私欲嘸有靈，所以要搭公會分開。

20 Dæn-z ng-he ts’ing-e-keh hyüong-di, yüong ng-he su siang-sing-keh sing-zin dao-li, zing-ziu z-keh teh-‘ang, k’ao-djôh Sing-Ling tao-kao;
20 但是爾許親愛個兄弟，用爾許所相信個聖zin道理，成就自個德行，靠著聖靈禱告。

21 zeng e-kying Zông-ti-keh sing, yi sô-mông ngô-he Cü Yia-su Kyi-toh-keh z-pe hao teh-djôh üong-yün weh-ming.
21 存愛卿上帝個心，咦奢望我許主耶穌基督個慈悲好得著永遠活命。

22 Tsih-z gyi-cong iao feng-pih, yiu-sih iao e-lin ge;
22 只是其中要分別，有些要哀憐渠；

23 yiu-sih ziang jong ho-li bæh ge c’ih, zeng p’ô-gyü-keh sing kyiu ge, bi s-yüoh tang tsih-le-keh i-zông tu iao k’o-u ge.
23 有些像從火裏拔渠出，存怕懼個心救渠，被私欲打tsih-le個衣裳都要可惡渠。

24 Yin-ze keh-yü neng-keo pao-wu ng-he fe pæn-tih, peh ng-he m p’i-bing hao kw’a-weh gyi ze Ge-z yüong-wa-keh min-zin Cü-ts,——
24 現在箇位能夠保護爾許勿会絆跌，撥爾許嘸批評好快活徛在渠自榮華個面前主子，——

25 ziu-z keh doh-ih-yü Zông-ti ngô-he-keh Kyiu-cü,——Dæn-nyün yüong-wa, yü-nyin, neng-kön, gyün-ping, jong ngô-he Cü Yia-su Kyi-toh, kyü peh Ge jong-kying-yi-‘eo tao si-si-de-de. Ô-meng.
25 就是箇獨一位上帝我許個救主，——但願榮華，威嚴，能幹，權柄， 從我許主耶穌基督，歸撥渠從今以後到世世代代。阿門。