【新民晚报】沈鸿鑫：瞿秋白编写沪语唱词（图）

上海闲话abc

（上海艺术研究所研究员）

　　大家侪晓得瞿秋白是著名个作家，是中国共产党早期个领导人。1923年，瞿秋白从苏联回国，后来到上海，参与创办了上海大学。1925 年又以中共中央执行委员格身份，辣了上海领导民众运动。伊是江苏常州人，年轻辰光就接触江南个民间说唱搭仔民间小调，常州闲话也属于沪语区个，所以伊到了上海以后，常常到老城隍庙去听评弹跟“小热昏”等民间说唱演出。伊搭鲁迅一样，一向蛮关心搭看重大众文学跟民间文艺个。伊认为民间文艺搭说唱作品， 通俗易懂、群众喜闻乐见，容易辣辣群众当中传唱。伊不单单迭能主张，而且自家还亲自动手编写沪语个民间说唱唱词。

　　譬如讲1925年“五卅”运动期间，中共中央辣上海创办了《热血日报》，由瞿秋白担任主编，为仔扩大辣海民众当中个宣传作用，瞿秋白辣海报纸浪向发表了一批老百姓喜闻乐见、通俗易懂个说唱作品。其中不少就是伊亲自动笔写个，像伊刊登个《救国十二月花名》，署：平民导社编， 注明:“孟姜女调”。孟姜女调辣海上海及江南一带是老流行个曲调。迭篇作品从一月到十二月，抒写了“五卅”运动前后个时事、五卅运动中工人群众个斗争史实，而且辣作品中呼吁工人群众团结奋斗。

　　……

　　四月里来是黄梅, 顾正红杀死血满衣；学生追悼工人死, 英国巡捕捉进去。

　　五月里来是端阳, 南京路上来演讲；巡捕对准把枪放，许多同胞把命丧。

　　六月里来热难当，学生工人关捕房, 五月三十日捉进去，六月初一罢市场。

　　……

　　十月里来小阳春, 全国同胞要齐心；目前有句要紧话：第一团结要结得紧。

　　十一月里雪花飘, 如今中国不得了，洋人跑进似狼虎, 里面军阀一团糟。

　　十二月里过年忙，再勿革命苦难当；全国国民齐心起， 大家来做革命党。

　　此后伊还写了 “泗洲调”《大流血》、《国民团结歌》等，辣海《热血日报》浪发表。这些唱词写得生动形象，富于激情，有很强的感染力。

　　上世纪30 年代初，瞿秋白又来到国统区个上海，领导了左翼文艺运动。“九一八”事变爆发后，瞿秋白运用“卖梨膏糖”个曲调编写了宣传抗战的唱词《东洋人出兵》，共十五段唱词 ，1931 年 9 月28 日刊登辣“左联”机关杂志《文学导报》第 5 期浪, 为了照顾勿同个读者, 发表时同时用了普通话搭吴语两种版本。其中有：

　　(1) 说起出兵满州格东洋人，先要问为仔啥事情。只为一班卖国格中国人, 生成狗肺搭狼心……有仔刀，杀工人；有仔枪，打农民；等到日本出兵占勒东三省，乌龟头末就缩缩进。总司令末叫退兵，国民党末叫镇静；难为仔我伲小百姓，真叫做拿你四万万人做人情。

　　(10) 伲工人团体末顶要紧，罢工呒没工会就罢勿成，工会也要自家人，勿要国民党 包探拿摩温，罢工起来打倒日本人。现在预备枪炮要赶紧，快快联络士兵兄弟们，革命起来我伲是首领，第一要国家团结紧。

　　(15 ) 全中国格工农兵，大家起来大革命；革命才能打退日本人， 国民党叫伲镇静是送 命……自家组织起来做红军, 联合世界上格工农兵，保护苏联格大革命，叫醒日本格工人搭日本格兵，打退日本格军阀搭有钱格人………

　　作品用通俗浅显的沪语唱出了“九一八”事变个原因, 揭露了帝国主义搭反动当局个本质。瞿秋白作为一位著名个作家搭仔中共个领导人，亲自动手编写沪语唱词，为后人留下了一段佳话。

　　作者：沈鸿鑫
(本文来源：新民晚报 )netease



［ 本帖最后由 上海闲话abc 于 2011-04-07 05:15:00 编辑 ］

parisiica