【原創】半鐘頭爺

benojan

上篇：笨狼進城 | 敬請期待 下篇：冰孩兒

　　一日，笨狼趒湖邊去散步。
　　湖邊風景多小讃，笨狼走勒逮唱勒逮：“我是條北方來箇狼……”
　　湖邊箇草蓬侯味道，鴨娘住來耷，渠扣僵來耷伏渠第十箇小人。鴨娘僵蛋上向連牢三個星期gu落去爻，昶囃亦喫力伐亦嘸力道，老忖到湖裏去其身撟把爻，物事喫眼。
　　“我撥爾做隊ve？”笨狼“熱心”問講。
　　“嗯，嘸數爾撥我小人好功眼牢。”鴨娘怎兒快活，渠馨講。
　　“便箇箇蛋是ve？爾總不是講謳我坐渠上向箇則！”
　　“海勿咸兒咸，爾便撥我望著牢不皁。”鴨娘講。

　　笨狼坐著窠箇邊裏，真功直認撥箇蛋望著牢。
　　昶功夫，蛋殼破爻，鴨兒毛轟轟箇烏顱頭獰出，害隻笨狼抖箇抖。
　　“姆媽，姆媽。”隻鴨兒朝箇笨狼gaga宿耷謳。
　　“我止勿是爾姆媽喈。”
　　“爹爹，爹爹。”
　　“我阿勿是爾爹爹。”
　　“ga~ga~” 鴨兒沱起來。
　　“噢噢，我爾爹爹。”笨狼連緊亦馨講。
　　笨狼草分及開，搲蛐蟮撥隻鴨兒喫。
　　“我是條北方來箇狼……”笨狼頭搲頭宿耷唱唱。
　　“我是條北方來箇狼……”鴨兒阿照“狼”學樣宿耷唱唱。

　　鴨娘轉來爻，遠遠該伐手撐開來揭鴨兒遼：“阿那！儂儂啊，儂儂嗐~~”
　　“爹爹，箇人解人啊？”鴨兒問講。
　　“爾姆媽。”笨狼講。
　　鴨兒高高興興撲娘人裏去。
　　鴨娘鴨兒搭笨狼講再見，娘兒兩該亦聚隊趒深水箇湖裏去遊遊。
　　鴨兒劃勒逮唱勒逮：“我是條北方來箇狼……”
　　此筏，囃撥隻鴨娘阿嚇及死。

寒寒豆