【分享】三国志10的战报

吴语越音

帮老大去拨人家个老大送物事搞好关系，越来越觉着自家个老大没本事了。要是帮曹操阿拉就结棍了。当然人家人才多估计当勿了大官。

吴语越音

袁绍当了大将军，吕布也成为州牧了。啥辰光刘备也升只官啊。

吴语越音

送了几趟礼之后刘老大以为刘表会得同意和阿拉结盟个。没想到刘表睬也勿睬伊。没办法我只好舌战群儒了，也是亏我有本事，总算完成任务，南方也暂时没事体了。另外看看现在个形势附近个人没一个可以欺负个，侪比阿拉厉害老多。看样子勿应该勒汝南起兵个。

吴声吴戏

好白相啊，可惜我没辰光打，呜呜

吴语越音

没过多少辰光，公孙瓒拨袁绍灭脱了，虽然一开始蛮厉害个，还占领了南皮，但是后头也是拨袁绍灭脱了。怪勿得袁绍好当大将军。

吴语越音

挨下来，刘老大覅命了，竟然去进攻曹操，也忒勿怕了。
勿过没想到，勒现在个战场高头阿拉人占优势。勿过就怕人家后头人多。

吴声吴戏

侬拿刘老邦撬脱自家当一把手好来

吴语越音

张飞竟然对曹操用计。张飞讲用计个权利人人平等，啥人侪好用计个。就是有用没用而已。

吴语越音

现在先部分胜利了，实际上是拿人家城市外头做个工事破坏脱了。根本勿敢去进攻许昌。勿过捉牢了程昱，而且伊投降了。勿晓得是勿是好事体呢？

吴语越音

不过会了刘老大个一时冲动覅造成更大个后果，我代表刘备去曹操面搭和谈，希望覅拿我捉牢。勿晓得结果哪能。