【转帖】吴语内部的差异其实是致命的

lyte1219

我有两点不同意见，请楼主指教。
一，吴语，尤其是北吴方言区，交通便捷，人员流动频繁，完全有形成通行语言的条件，之所以讫今形成诸多方言岛，甚至于一个中心城市里厢还有大量新近形成的言语差异，其原因恰恰是因为有一個强势咯普通话存在。
当下，区域内人民咯一般交流，优先考虑还是普通话，自然也就没形成统一方言咯条件了。
现在不仅是上海跟苏州方言有差异；也不仅是上海城厢跟郊区方言有差异；甚至于上海市区的浦东跟静安之间，也开始有方言差异了。
所以，了搿个问题上，楼主的结论是本未倒置了，侬讲咯“而是”恰恰是“不是”导致咯。

二、关于出路
语言作为一种纯文化咯载体，关键求一個心安理得。
语言天天了变化，沪语变得再像普通话，北京人还是会讲搿是“上海闲话”；耐，一百年後咯普通话可能还弗是俺拉今朝听到咯样子。
所以，只要普通话没發展到以一种“沙文主义”咯态度来压迫以沪语为母语咯群体改变其言语习惯，俺拉就应该秉承一种“于自在者以心安，于外来者震撼”的态度来看待自家的方言文化。

三、上述第二点，并弗表示吴语就弗应该采取积极咯保护措施了。
耐，發展才是最好咯保护。
了没政治力量垂青咯境况之下，吴语要通过大众媒体渠道来争取共识还是相当困难咯。
我倒是觉着，沪语网络广播是一种弗错咯發展方式；俺拉生活当中有所心得咯辰光，也可以尝试一下吴文小说咯创作。
其次，就是大家要及时交流创作咯的心得，了求同存异咯基础上，争取了民间对吴语咯通用發音跟书写规范达成侭量多咯共识。

毕竟，一种方言要生存下去，还是应该多用、多交流。
纯学术咯研究可能对申请“非物质文化遗产”有所帮助，但吴语咯性命恐怕是弗大好靠伊来拯救咯。

［ 本帖最后由 lyte1219 于 2009-10-07 21:32:00 编辑 ］

吴语越音

搿篇文章是我转来个，倒弗是我自家个本意。
对于第一条，现在个实际情况是普通言话已经进来，也弗可能再出去嘞。所以就算是由于普通言话导致嘞弗同方言交流之前个隔绝，现在也只有另外再寻出路，而弗是怪普通言话。就像汽车出来之后，马车就少嘞。虽然一方面有政策原因，但是另外一方面纯粹用使用个角度来讲，普通言话是比弗同地区之间个方言要方便牢多，除非交流个双方是精通两个地方方言个人，就算是上海言话帮苏州言话之间也是会得出现某种弗方便个，特别辣目前个一种形势下头。
对于第二条，语言变化也有质变量变个，为啥阿拉现在是吴语，而南京已经是官话嘞呢？当大家语言侪辣向北京言话靠个辰光，北京言话自然会得有种沙文主义嘞。因为侬是以伊作标准个。
对于第三点，搿个是目前吴语真正个问题，因为吴语个运动目前没办法帮个人个利益搭界个。就像侬讲个号召大家一道来，但是搿个有多少号召力呢？作家出书是有收入个，所以伊拉会得写。吴语文学目前还看弗到收入个可能，侬哪能叫人家写呢？何况伊拉自家吴语也弗一定是最标准个，写起普通言话个文章也肯定比用吴语熟练牢多伐？

［ 本帖最后由 吴语越音 于 2009-10-16 17:49:00 编辑 ］