【討論】「雜」個讀音zaq

上海闲话abc

“雜”個讀音

關於“雜”應該讀zaq還是zeq，意見有了分歧。

我查閱了：
《實用上海話》P227是開口zaq。
《吳語概說》
《上海市區方言誌》
《上海話音檔》
《A Guide to the Shanghai Dialect 1971》
以上字典均祇標為開口zaq。

《簡明吳方言詞典》附錄435頁標閉口zeq。但是正文103頁標開口zaq。

對照《廣韻》端系一開咸攝入聲個，多是開口aq。如：答、納、沓、蠟、邋。

迪能看來，當代上海市區“雜”讀zaq是沒問題個。

此外反映解放前上海話個《法華新字典》確實注音zéh。另外鄰近方言點（《蘇州方言誌》P184）讀zeq也是可能個。鄰近方言點也好，解放前上海話也好，祇能作為當代市區話個參考，勿是標準。

所以“雜”讀zaq是沒問題個。Zeq勿是當代上海市區主流發音。

吴语越音

剛剛嘚abc還有小葛、吳聲吳戲通過電話之後，我是覺着。雖然講之前大多數個方言資料主要是zaq，但是也勿是講嘸沒用zeq個，外加現在還好分aq、eq個人當中讀zeq個應該勿少，所以特別垃壗輸入法裡頭作爲一種各派之間個妥協是可以做成兩隻音個。因爲垃壗現在個上海言話裡頭，aq嘚eq已經合併了。現在要校正迭個音個也只是垃壗“中派”音系裡頭，而“中派”個設置裡向，分尖團，分前後an，分aq，eq甚至分y yu i ij等等個人所處於個時代個發音再是阿拉應該借鑒個讀音。既然搿點人當中是有兩種讀法，我伲圈子裡頭好分個人也大多數是讀eq個，所以分成兩隻讀音也是可以個。至於資料裡向aq比較多，也有可能是勿是伊拉調查個人個分佈比較重複，所以eq相對少見。

［ 本帖最后由 吴语越音 于 2012-04-01 13:42:00 编辑 ］

paktadasu

我比較傾向于吳語越音的想法。

上海闲话abc

《江蘇省和上海市方言概況》P579兩讀：zaq、zeq。開口個zaq在前、閉口在後。

［ 本帖最后由 上海闲话abc 于 2012-04-01 14:08:00 编辑 ］

吴语越音

所以阿哥是勿是可以認可拉拉輸入法裡向分成兩讀？

吴语越音

另外，現在要推廣也好正音也好，估計是要以新派爲主了。所以aq脫eq影響個就是我伲自家個迭個圈子裡向個人，而目前我看來天生分個是讀eq爲主個，所以加上eq既勿破壞原來個zaq迭個音，也照顧大家個習慣，應該是比較好個選擇。

上海闲话abc

paktadasu 發表於 2012-4-1 14:01
我比較傾向于吳語越音的想法。

迪幾個字個讀音確實跟江淮官話區個讀音對得上。
文讀儕是北面來個，是勿是全部清場？糊弄白紙個wtzdj、雙相障礙覅幫我拼命啊。
事實上是勿可能拿北語影響音清除乾淨個。“如”讀lu乃勿接受，讀“zy”還是北面來個文讀，祇是早眼而已。

方言正音個第一位標準勿是廣韻，也勿是讀音個出身。方言誌是有素養個學者按照方言理論調查個結果，是客觀反映民眾意見個資料。而民眾意見是方言正音第一位原則。
“雜”讀zaq是當代市區正音沒問題個。zeq能否保留。我意見供參考。我覺着是沒必要。多音字問題交關，能避免則避免。提倡zaq了，zeq就算了。

阿拉小圈子個意見屬於第三位個標準，知識份子個意見。迪個是有傾向性個。最好去問市區個能分aq、eq個長輩。

吴语越音

現在只是“雜”迭個一個字，別個“答”勿算討論範圍裡向。而小葛嘚吳聲吳戲對“雜”個讀音勿好算知識份子意見，因爲迭個是伊拉個天生口音。關於多音字個問題，可以拉拉字典裡向就一個音，輸入法裡向多一個字問題是勿大個，而且因爲是讀“雜”zeq個人勿少，又有部份資料支持，所以也弗會得有別個字也符合迭個要求而可以大量加入多音字降低輸入法效率。

上海闲话abc

要是能扩大讨论个范围就好了。

吴语越音

套套我問下來是zaq。