【原创】一个游戏战报吴语写

吴语越音

搿趟勿放图嘞，改成写故事了。不过勿好看㑚包涵。
    劳伍尔 德 瓦鲁瓦 第一代君主，法国亚眠与维克辛两地的统治者，领两地伯爵(paqtziaq）位。膝下两个囡儿，并无儿子由于领地个继承法规是准长子的继承法因此第一个继承人并勿是瓦鲁瓦家族里头个人。因此对于家族个发展是一个潜在个问题。而劳伍尔并勿年轻，另外现在并无妻子，因此爵位个继承人也是一个问题。伊有一个兄弟帮几个堂兄弟，总个来讲家族里向也并勿是没人，另外伊个头头是法国个国王，是一个只有十五岁个少年，菲利普陛下。亚眠个北面是英国个领地诺曼底，是由征服者威廉个长子个领地。
    首先由于伊帮伊自家帮伊拉兄弟一人寻嘞一个老婆。一方面会家族后代考虑，一方面也是为嘞得到几个有用尝个家臣。随着新个变化，劳伍尔帮伊拉兄弟个妻子逐渐挑起勒搿个郡国宫廷个大梁。
搿个辰光，法王任命弗拉芒杜伯爵为瓦卢瓦公爵。弗拉芒杜是劳伍尔个大囡儿个丈夫，根据准长子继承法伊个儿子就是劳伍尔个目前个继承人。听到搿个消息，想到女婿反而成为嘞自家个头头个辰光，伊只是笑笑。但是当新个瓦卢瓦公爵问伊要求收回维克辛个土地个辰光，伊断然个驳斥嘞女婿搿个无理要求。但是搿能一来，双方个矛盾也就激化嘞。搿个辰光勃洛捏伯爵将伊个儿子送到勒亚眠来寄养，劳伍尔同意嘞。辣中世纪个辰光，互相送儿女寄养是拉近双方关系个一种方法。搿是比较普遍个现象。
从之后个一年里头，弗拉芒杜公爵先后多次要求劳伍尔放弃维克辛，但是侪遭到嘞劳伍尔个婉拒。虽然第一趟个辰光比较激烈，但是后头劳伍尔想想覅让人家寻到攻击伊的理由所以后头伊就表现嘞没之前介激烈嘞。不过仍就是一直反对。弗拉芒杜公爵也是拿伊没办法。
    1068年12月，妻子帮劳伍尔生了一个囡儿，蒙蕾蒂。但是劳伍尔想个是一个儿子，没儿子，继承人是会得是对头弗拉芒杜公爵帮伊大囡儿个儿子。就辣搿个辰光，劳伍尔想到既然女婿要扩展地皮，自家也可以扩展地皮，于是伊将目光转移到嘞欧洲个西南方伊比利亚半岛上头个异教徒手下头个土地上头去嘞。经过比较伊看上嘞摩利那搿个块地方，因为搿个地方上头个阿拉伯人一手里向人少，一伊头高头也没国王之类个君主，比较好对付。于是伊立即让手下头所有个部队侪出去进攻。搿场战争虽然有一年半个辰光但是经过牢简单个，主要个时间侪用辣路高头。其中虽然异教徒几次帮法王和解，但是劳伍尔每次侪辣和平之后马上再进攻，所以当法王发现伯爵个坚决之后也就勿再和阿拉伯人和谈嘞。于是最后伯爵得到嘞伊个第三块土地，摩利那。当战争结束之后，劳伍尔要做个最重要个事体是还战争之中欠下来个部队所用个费用。虽然弗拉芒杜公爵现在调方向改要求接收摩利那，不过伯爵仍旧是不为所动，搞嘞搿个女婿还是没办法。
    就搿能过嘞几年，劳伍尔突然得到消息，南方领地摩利那旁边个萨拉哥萨大酋长由于辣帮巴塞罗那公爵交战失利，部队已经减少牢多。劳伍尔晓得搿个消息，马上对大酋长个手下卡拉塔尤德酋长宣战，搿个辰光也传出嘞妻子怀孕个消息，劳伍尔非常高兴命令部队出征。半年之后，辣部队围攻卡拉塔尤德个辰光，劳伍尔的妻子玛郝特难产死亡，但是劳伍尔搿个辰光身处西班牙勿得勿继续攻击。好在辣法王部队个帮助下头劳伍尔得到嘞卡拉塔尤德，而法王则灭脱辣萨拉哥萨酋长国。当伯爵回到故土个辰光，伊发觉勿只妻子，伊个唯一个兄弟也到嘞天国。万分难过个情况之下，办好了两个人个事体。劳伍尔开始想，是勿是应该修改继承法？现在弗拉芒杜公爵已经变成辣伊个对头，难道自家个土地要传拨伊拉个儿子吗？伊决定将继承法改成长子继承法，搿能一来侄子就可以是继承人嘞。对兄弟也是总安慰伐？
    除此之外伊注意到嘞自家个弟妻，玛莉亚，失去弟弟之后已经有牢多人来提亲。劳伍尔想玛莉亚对自家个宫廷是一个牢有帮助个人，再讲几个侄子还小哪能好失去母亲呢？所以伊做出嘞又一个决定，和玛莉亚结婚，搿能伊也可以拿侄子当作自家个后代培养。谁知结婚以后玛莉亚也怀孕嘞，搿趟是儿子还是囡儿呢？
    十个号头之后，终于生嘞一个儿子。取名奎劳梅。

［ 本帖最后由 吴语越音 于 2009-08-17 17:08:00 编辑 ］

guglielmo

5pp54

吴语越音

葛末放两只图片。

吴语越音

主角

法王

欧洲法国个领地

guglielmo

又是搿种类型游戏

吴语越音

侬欢喜撒样子个拉？

guglielmo

美少女

benojan

侬是写好之后再翻成上海话吤？怎奈『的』都还望得着。

吴语越音

我是写上海言话个，“的”个问题就当是文读好唻。