【討論】聽講西關口音嘅人唔中意講乜“頭先”，係迷咁嘅

ningbauning

西關：正話

本港：頭先（冇錯，港人都有講“正話”架喇，不過我諗佢哋更中意用“頭先”，啱5啱？）

PS：“跟住”同埋“然之後”有咩分別呢？

梨園壟畝民

“頭先”廣泛分佈於粵語之中，“正話”多見於廣府話。

“跟住”比“然之後”顯得時閒相接得更加緊湊。

［ 本帖最后由 梨園壟畝民 于 2009-05-10 17:30:00 编辑 ］

ningbauning

明白了。谢谢。

ningbauning

大概是不是这样：

[粤]跟住    =[沪]个么、挨下来、乃么
[粤]然之後 =[沪]挨下来、(有时相当于)后首来

加州阳光

我”跟住“就来       --- 正确
我“然之後”就来。--- 错误

胡语：我马上就来。

薪火相傳88

喺旧时，广州啲水上人多讲“头先” 、 “啱先” ，又以“头先”居多 (黄[读往音wong5]沙、六二三路一带，河南滨江东，芳村、白鹤洞[读董音dung2]挨实河边一带，历来都係水上人嘅聚居点，而共执政后喺白鹤洞同埋河南滨江东起咗窟“水上居民宿舍” ，喺呢啲地方就较多听倒“头先” 、“啱先”) ；而多数广州人就讲“先拔头筹” 嘅“筹先”、“啱啱”、“正话”(现时啲后生讲“正话”嘅越嚟越少，讲“啱先”嘅就多咗)。所以话，一般嚟讲，讲“头先”嘅人，较大机会佢哋嘅出身同水上人颇有渊源，或受其影响。喺好耐以前，香港係水上人嘅聚居地，噉就好易明，点解喺香港，讲“头先”较为多见。



另: 跟住......然之后......

喺广州，来往于河南、河北、芳村三地嘅人，从来冇人话“过河”（过河南、过河北、过芳村，一係直程就噉“过海”，总之就冇人话“过河”）而叫“过海”。好多本地人连自己都唔明：到底点样先至可以喺条河度“过海”呢？谂极都唔明，跟住就拗「aau1」晒头，然之后大嗌“有冇搞错，九唔搭八”。
啲广州老“土著” 明明係“过河”， 但係係都要话“过海”！唔通佢哋特豋鑿大嚟吓鬼？拗晒头哩[le4]？咁诡怪？咁鬼夸张？不！

因古时广州嘅珠江河面同家阵相比，要阔得多！成个河南从洲头嘴向东、往南直到江南大道、前进路，芳村则往南直入到中市(至少7百米以上)起楼挖地基冚都係泥沙夹蚬亮；而芳村陆居路工人文化宫一带，直至上世纪二、三十年代都重係一大笪「daat3」(片)沙地，固此，到家吓嗰度啲“土著”都重将嗰带叫做“大沙地”。而直至今时今日，每到涨潮嗰阵，市区内嘅珠江水，都重有啲些微嘅腥咸味。点解叫“过海”咁夸张？而家，大家明解啦。````

小知

亦有“岩先”