【讨论】让阿拉来看看欢喜骂上海个人个心态

Terrist

我勿晓得近腔（最近）阿是流行搿能一股风气，来勒CH浪大部分个帖子矛头直指上海或者上海人，让我真个觉着交关莫名。就像前头看见一个帖子（呒没人证实过是真个否），讲上海地铁里有藏独分子来该宣传，令人惊讶个是作者呒没直批藏独分子个丑陋行为，反到骂起上海人个软弱来嘞。首先申明，本来从来呒没听讲有搿能一桩事体，可能是作者道听徒说个，但为啥介许多人侪（音同“才”，意为“都”）反感上海搭上海人呢？让阿拉来分析记伊拉个心态。

       上海是中国个经济中心，创造勒嗨全国顶多个财富。创造财富是要靠人个，更多个财富意味仔更多个机会，嗗咾（所以）全国各地个人才侪涌入上海，为上海、为中国创造木牢牢个财富。邪气多骂上海人（注意是“勒上海个人”）侪忽略仔迭点：就是上海有交关外地人才来勒发挥勒嗨作用，上海个财富勿单单是上海人创造勒嗨个，起码有一半是靠外地个朋友。嗗咾老明显，骂个人可以交关明确是迭眼人：1，勿勒勒上海个外地人。2，穷鬼。

        阿拉再来分析记，啥个人会嘚盯牢上海人骂，而忽略仔其他已经融合勒上海搿座大都市里向个其他城市个人呢？上海人拨人个感觉是有铜钿，时尚，排外，迭眼侪勿错，我也侪承认，但搿眼侪是片面个，上海人勿是每个外地人侪排个，伊拉尊重啥人？就是有能力个人，呒能力个上海人上海人自家也看勿起个呀。嗗咾骂个人又明显嘞：1，拨人家看勿起过个。2，眼热勒上海赚铜钿个人个。3，嫉妒勒上海赚仔铜钿个人。（注意勿单单是上海人，而是伊拉习惯浪用上海人来统称搿些成功人士）。迭眼骂个人一般侪是眼失败个人，伊拉眼热来上海个生活，恨自家为啥生勒小城市里，自欺欺人个告诉拨自家其实自家顶勿欢喜上海，理由侪老滑稽，有讲觉着上海忒繁华嘞勿适合清高个自家，有讲上海人忒 恶心嘞勿想搭伊拉参队。哎。。。罪过啊！

        还有交关反对上海男人个声音，讲上海男人侪勿够男人，欢喜勒勒屋里烧饭值钿（宁波话，意为：疼爱）女人。搿我觉着要“无语”一记，现在啥年代嘞各位朋友？我记得我有个朋友来外资工作，伊讲拨我听实际浪国人根本搭想象中个勿一样，有眼娘娘腔个感觉， 后噻唻（后来）才理解嘞，原来搿是一种谦逊搭礼貌到及至个表现。只有完全个绅士才好搿能。伊拉更加能尊重别人家，体谅别人家。骂个人可能呒没搭国外去过，我记得印象老深个一桩事体，来国外问路，碰着个文身个，戴耳环个像埃种街头流 氓个外国青年。我当时辰光讲老实闲话是有眼吓个，不过伊竟然满面微笑个一直带阿拉到目的地，埃种微笑真个让我记忆犹新，是种非常真诚个，非常有礼貌个笑。其他人就更加勿用讲嘞，特别是老太太拉。简直尽伊拉个一切来帮助侬。 所以外国男人有辰光会拨人一种“娘娘腔”个感觉。不过中国还有交关多男子认为男人就是要有大男子主义，家务咾啥（意为：什么的、等）个开玩笑，就应该“娘们（北语：指代女人个轻蔑语气）”做个，“娘们”勒勒屋里就应该听自家个。迭种人我随便讲啥可能侪交关难改变脱伊拉个思想，我只想讲，两家头是要相互付出个，家务为啥男人勿能帮忙分担眼呢？（忘记脱讲嘞上海女人一般侪勿是家庭主妇，伊拉有自家个工作搭仔自家个圈子）可能搿眼侪是骂个人老难想象个。

        我要讲个侪讲好嘞，其实心态还是要读者自己家去分析看看，尝试用客观个角度去看问题。还有一点，千万勿要内斗，搿是一个泱泱大国公民顶基本个素质。

上海闲话abc

ZD事情怪到上海人头上，真实莫明奇妙。

反脏毒的旗手人物 徐明旭 就是曾经被发配西藏的上海人。他的＜阴谋和虔诚＞是反脏毒的重要理论工具。那个东北的王力雄还和Dalai扯不清楚，一点也不客观。

［ 本帖最后由 上海闲话abc 于 2009-04-29 21:10:00 编辑 ］

碧云涛

網浪罵上海人個一般是朆來過上海個外地人，或者來過以後碰著啥弗開心個事體，又受到全國各地對上海惡毒汙蔑個報導忒傳聞個影響，迭眼人基本浪是低素質個憤青，忒天天罵日本人是一個道理，撥汰腦子以後只會發洩對社會個弗滿，上海只不過是一個發洩個對象，渠拉根本就弗了解上海，甚至根本朆來過上海，有啥權力有啥根據來罵？還有媒體個宣傳明顯是有預謀個，為啥要拿上海開刀呢？因為上海代表現代文明個方向，忒政府倡導個馬教意識形態完全弗相容，各咯要妖魔化上海人，實際上就是妖魔化普世價值，再加上北京人對上海個妒忌，媒體又是北京人控制個，幾個因素加勒一道，形成一股全國反上海個浪潮，迭個浪潮從80年代開始一直刮倒現在，實際浪代表了農耕遊牧文化忒現代工業文明個衝突，尤其是北方受遊牧文化影響個地區，對上海尤其反感。必過中國走上工業化道路以後迭種誤解忒衝突會得日逐減少，直到全面現代化。

热度

讓他們罵去好了

中國那麼多憤青毫無理智地罵日本，人家還不照樣日腳過了牢好啊？

泖港人

说老实话，骂人骂到地域性地骂，说明骂人者文化素养是很低的，去计较什么呀？
有些事实也要承认，老一辈上海人确实有些有莫名其妙的优越感，那都是一些小市民为主的上海人。

碧云涛

上海人有優越感沒有錯誤，但是把優越感變成赤裸裸的歧視行為就是文化墮落的體現，這說明49年後上海已經淪陷了。

申報紙

上海人有優越感沒有錯誤，但是把優越感變成赤裸裸的歧視行為就是文化墮落的體現，這說明49年後上海已經淪陷了。
碧云涛 发表于 2009-5-1 11:44 ↩️

講得邪氣對。上海文明從49年後就開始淪落勒。當前是徹底赤化哉。

owen

申报纸，好怀旧的名字啊。

吴语越音

一开始我还以为楼主写个是上海闲话，勿过讲勒是蛮有道理个．大多数骂上海人个侪是没来过上海个．上海男人就是娘娘腔奴隶，上海女人就是女王，搿个好像是外地人个一种共识．还有就是上海闲话忒软，勿晓得伊拉听到苏州闲话会得哪能觉着？