【討論】格麼……擬真（到底）關注方言值得伐啦？

Terrist

没安装超大字符，所以打不出的字就用口字旁字代替了。

我交关郁闷……咋回事体呢……倷听我话呐……讲起来亦长吗吗嘞。
我本来对阿拉个闲话呒趣向个，我开始关注该眼物事是还备我欢喜日本吙物事。
大陈模初二第二学期介相貌，我批是勿得买勒一盘该时光顶红个日本歌手hikki个专辑，格么慢慢较开始关注日本个物事嘞。初二介到高中，陆陆续续买勒四五十枚正版日本唱片，已经完全拨日本个东西弄勒上溺嘞。高一辰光还备忖唱日本歌，格么开始对牢日本假名翻译成罗马字，日即长嘞啊统记牢，熟练猛嘞。后头眼，毕竟自家日本闲话勿晓得个，呒告去就来该用假名搭汉字介拼写阿拉个方言，慢慢较介开始发现，阿拉方言派来是介有趣一种语言，搭MANDARIN介各样个。高三辰光，上语文课辰光，还没统用汉字记录笔记时节来勿及，咋忖着该啊勿晓得，来该用日本式闲话记笔记。一年落来，熟练猛嘞，人家勿晓得行情人惘道我日本闲话啊晓得个，实吙我来该写阿拉自家遂个闲话啦……高三毕业到，上网呒告去，发现勒几只搭吴语介搭界个网站，开始关注阿拉嘡向眼个闲话。尽管我欢喜阿拉个闲话嘞，可性勿代表我欢喜所有个语言，故此我[勿会]花心思去学别样个语言个，除脱平常辰光搭日本闲话留意记。
我来得互联网勒检索搭吴语介相关了个东西，时介登陆相关了个网站，亦独家头学弄弄方言输入法格当，却拨有到人惘道我是只“戆大”，关心眼呒用场个物事。因为呢……一般人统[勿会]介呒告去来研究哠东西个。
格么……拟真（到底）关注方言值得伐啦？

吴语越音

关注方言是否值得？对一个人来讲可能是勿值得个，因为无论方言哪能又同时因为再变了快个方言对人来讲变化也是慢个，侬一个人个生活状态到底是和方言关系没介大个。又由于侬勒方言上头花了老多力气，搿点力气无论是对方言个传承有效果也好是没效果也好，是勿会对侬个生活有啥好个明显个影响个。所以对个人而言是没忒多好处个。但是对一个族群来讲，自家语言就是一种自家文化个生存权利，搿一方面关系到族群个尊严，一方面放弃自家优秀个文化，就如讲，弃人之道而行为如禽兽。搿是每一个有自尊，对自家文化有热爱有自信个人在接受勿了个。住了几年个房子搬脱个辰光尚且心有勿愿，何况是传承几千年个自家个文明呢？而且当一个族群放弃了自家个文化而遵从人家个文化个辰光，由于新个文化对人家来讲是土生个，对侬来讲是外来个，所以侬必然需要一段辰光起适应。可能搿段辰光对个人来讲勿是忒长，但是对一个群体来讲所要耗费个成本就大了。必然造成侬勒一定程度高头个落后。

Terrist

从我跟你的对话中，发现我跟你两个所处的两片吴语差别还真不小，跟两种语言一样……

吴语越音

我讲个词汇普通化一点，因为平常用个闲话普通闲话会得多一点。

吴语越音

原帖由 Terrist 于 2008-11-7 20:21 发表 ↩️
从我跟你的对话中，发现我跟你两个所处的两片吴语差别还真不小，跟两种语言一样……

搿搭是吴语交流环境，所以勿好用普通闲话个。

Terrist

从我跟你的对话中，发现我跟你两个所处的两片吴语差别还真不小，跟两种语言一样……

吴语越音

原帖由 Terrist 于 2008-11-7 20:30 发表 ↩️
从我跟你的对话中，发现我跟你两个所处的两片吴语差别还真不小，跟两种语言一样……

侬哪恁可以勒吴语交流环境搿个板块里头用普通闲话而勿用吴语讲闲话呢？违反开搿个板块个初衷。

Terrist

好呐，可兴顶好侬用该个闲话稍许再“土”一眼，弗然搭北语介区别基本只剩“个”“侬”格当顶基础个区别嘞，侬介忖忖呢……

吴语越音

搿也没办法个，啥人叫正字过之后就搿副样子了呢？

Terrist

格侬亦话么是阿拉嘡向个“元老”，阿勿佗眼生活拨阿拉相相，时介囥勒眼做啥啦，莫介低调呐？尽量用顶“土”个闲话讲效果顶好嘞……我反正介欢喜越“土”越有“味道”，虽然“土”眼闲话写出来后反可看勿懂……