【分享】吴语上海言话拉丁式输入法最新修正版本（小狼毫）

吴语越音

吴语上海言话拉丁式输入法最新修正版本出来了，仍旧是嫁接垃壗小狼毫输入法平台里向。具体个单字词汇经过上海闲话abc君等多年修订与更正，小狼毫内置模糊音系统，可以兼顾多种新老派读音系统，请有心人使用。
地址是http://code.google.com/p/rimeime/downloads/list，垃壗里向下载小狼毫个最新版，关於模糊音个方式，右键托盘查看配置文件，里向打开wugniu_lopha.schema.yaml文件，拿侬需要模糊个选项前头个井号删脱保存，再退出右键托盘重新部署就可以生效了。

我也晓得真个肯学上海言话拼音来用输入法个人也是少个，我也晓得就是会得用输入法了，真个用上海言话打字个场合也少个，所以只是希望有心人愿意用个就用用。或许大家觉着输入法也弗是老重要，但是作为上海人，我伲总是想垃壗某一个方面做出自家个贡献。另外本输入法也有正音个作用，先输入`（1左边个只键）再输入普通言话拼音，可以查到汉字个上海言话读音。

Roifor

一直搞不清楚，里面哪个是？

上海闲话abc

应该是第个伐。
http://code.google.com/p/rimeime ... gz&can=2&q=

guest

跟哀个吴语拼音法一样，呒没主程序，勿晓得哪能用。我现在就用老版中派个输入法好了，最顺手个就是搿个。专业版个搞勿定，新增个几只因素除脱i/ij外，侪分勿清爽。主要是呒没人搿能介讲，输入法里向个区分对现实当中发音帮助个实际意义勿大。能讲好播音标准我已经牢满足了。