【轉帖】丁迪蒙：家长搭小囡讲闲话一定要用上海方言

神死恸瞑

http://www.abbao.cn/ViewPage.asp ... 018dad4788&order=41

2011年12月13日

国家推广普通话，只是为了方便各方言之间交流，勿是为了要消灭方言。但有勿少家长认为：普通话是官方强势语言，将来小人要接触个是各种地方个人，交流起来用普通话方便点，让伊拉从小讲普通话是可以为伊拉今后个发展带来好处个，讲勿来方言勿要紧。搿种想法同“做文明人，讲普通话”个误导有老老大个关系个。

　　语言是呒没贵贱之分个，就像任何地方的人侪是平等个。中国个各种方言侪勿是低档语言，方言里向有得交关有趣个动词、形容词是普通话里向呒没个，普通话个生动性远远及勿上任何一种方言！方言里向还有交关文化个传承，小人勿讲方言了，葛末，伊个文化个根就没了！国家推广普通话，假使带来个是搿能个副作用，葛搿个代价也实在是忒大了！

　　现在辣上海，勿管是年轻个家长，还是长一辈个老爹、唔奶【nna】，外公、外婆，搭小囡才辣用普通话讲闲话，讲得再洋泾浜、再怪也用。葛末问伊拉为啥搿能样子？所有个人侪讲：呒没办法呀，伊拉勿肯讲，讲勿来了呀！只好搭伊拉讲普通话。

　　我认为，小人勿肯讲，家长要负老大个责任。侬想，小人因为蹲辣学堂里向辰光长，普通话讲得多；上海闲话讲得少，老有可能伊拉讲个上海闲话里向有眼音会得发错脱，用词勿大对。家长呢，只要一听到小囡讲得勿对，马上就去嘲笑伊，讲伊讲得介难听个，像外地人讲个一样。让小囡觉着老没面子个，辰光一长，伊拉就只讲普通话了。

　　建议大家：自家小囡个上海闲话讲得再勿好，开始辰光一定要多表扬，少批评；慢慢叫再讲拨伊听，假使调一种讲法，或者搿能介发音就更加好了。万一小囡只肯讲普通话，家长要坚持只用上海闲话，勿搭伊讲一句普通话。还有，只要是伊搭侬提要求，葛末侬就假装听勿懂，叫伊用上海闲话来讲，或者要伊模仿侬讲一遍后，再去满足伊个要求。只要坚持一段辰光，小囡就会得有信心，也会得愿意开口讲上海闲话了。

　　大家可以去试试看，一定来三个！
文/ 丁迪蒙（上海大学语言学副教授）

上海闲话abc

其实母语流失的问题国外专家也观察到了。法国一些学者对移民调查显示，人是可以丧失母语的运用能力的。
就是很快接触到第二种语言，而且第二种语言具有绝对优势，充斥于日常生活中的各个领域，母语使用空间被极端压缩。
这是在一些外国移民第二代中调查出来的结果。这些移民离开的自己的故土，比如说阿拉伯语或塞尔维亚语，在法国他们的孩子很快进入法国的学校，周围接触的都是说法语的人，父母为了融入法国社会也只说法语。最后移民二代就不会自己第一语言了。
上海的略情况不同，并非是上海人移民别处造成的。因为上海话在学校媒体都被广泛禁止，加上上海市民许多也改说普通话，最后土生土长的本地孩子也不会上海话。
钱教授就披露过他的外孙女进幼儿园前说上海话，通过幼儿园学习，现在进小学了已经不会上海话了。

parisiica

上海人个下一代侪将成为*巴子*？自觉自愿做*巴子*？ 奴才！