【请教】问个新输入法里的吴的拼写

吴声吴戏

吴=roe 后？

吴语越音

吴=roe 后？
吴声吴戏 发表于 2009-9-24 18:19 ↩️

应该是吴wu=rou个。不过我有辰光也会得拿ou帮oe搞勒一道个。

［ 本帖最后由 吴语越音 于 2009-09-24 18:27:00 编辑 ］

circa

姓是要白读啊？
吴语越音 发表于 24-9-2009 04:02 PM ↩️

姓是肯定白读，祖宗读法

上海闲话abc

爺兒子、祖孫勿同姓總歸有眼怪，所以姓氏弗容易受外來語影響，保留早期讀音為主，或按照方言自身演變為主。
普遍來講，白讀歷史比文讀長，勿排除少數例外，所以姓氏是白讀為主個。
我覺著，比姓氏還要穩定個是本地人自家讀地名。蘆墟、盛澤就是例子。

姓氏除脫“吳”垃上世紀變脫之外，還有其它例子個。

任：汪平《蘇州方言語音研究》P235、 葉祥苓《蘇州方言志》P178、 張家貿和石汝杰《蘇州市方言志》P28、《上海市區方言志》P94、顏逸明《吳語概說》上海音P163、《吳縣方言志》P21、王福堂《紹興方言同音字彙》P12、侯精一《上海話音檔》P96。
上述資料儕認定任姓讀白讀gnin。
但是2007年，吳語協會討論個辰光，吳語協會交關骨干認為應該讀文讀zen。说明有变化。

郝：現在讀hoh個越來越多，只有少數老本地人讀heq。
鄺：讀khuan個比讀kuan多。
該兩姓，外來人口多，本地人勿多。

奚：別人儕讀xi，當事人自家曉得讀yi也沒用。
盛：現在好像也有讀zen個。本身讀zan。

大眼個姓，相對穩定。

该问题是全国性个否。
比如 盖， 普通话本来读ge，现在读gai。当年记者问盖莉莉，盖说别人认定我姓GAI，我也没办法。

circa

爺兒子、祖孫勿同姓總歸有眼怪，所以姓氏弗容易受外來語影響，保留早期讀音為主，或按照方言自身演變為主。
普遍來講，白讀歷史比文讀長，勿排除少數例外，所以姓氏是白讀為主個。
我覺著，比姓氏還要穩定個是本地人 ...
上海闲话abc 发表于 25-9-2009 03:48 PM ↩️

昆山个“任”姓肯定是读gnin,弗晓得为啥上海要改成zen

上海闲话abc

上海传统也是读白读gnin，上述上海话资料为证。
我是说，有迹象表明"任"姓会步"吴"姓后尘文读化。

夷州海客

姓白 名文
搿是傳統

吴声吴戏

上海传统也是读白读gnin，上述上海话资料为证。
我是说，有迹象表明"任"姓会步"吴"姓后尘文读化。
上海闲话abc 发表于 2009-9-28 21:02 ↩️

任gnin、郝heq两个姓老早初中伲班级里向侪有个，基本浪同学侪读gnin,heq。有人读zen会得拨人家纠正个。包括“龚学平”个ciun（少数cion）。现在小囝肯定瞎读哉。

上海闲话abc

“龚”勿好算个，上海话原来勿分iun跟ion个，分iun Vs ion个苏州话确实勿读ciun，读cion。

跟姓文读化对应个，名字白读化现象也是有个。上两礼拜垃巴黎，有对上海人小夫妻告诉我，哎个小姑娘名字里个"佳"，现在交关人读ka，勿读cia。
另外，老早有个同事名字里有个"江"，大家读kan，勿读cian。不过"江"字个文读垃上海基本是勿存在个。

该现象成因复杂，好坏更加讲勿清爽。
总之，姓是比较传统的读法，所以白读为主（有一个例外 戴姓读Te，勿读Ta），名字是比较时代的读法，原先是文读为主。