【讨论】保护吴语和上海言话为啥要坚持正字

吴语越音

所谓个正字就是区别于现在网浪向流行个类似于拿“上海人”写成“上海宁”个搿种做法，而是用“上海人”来代表上海闲话之中个“上海人”。大家应该晓得，普通闲话是近一百年之内再出现个，是解放以后再成为通用语标准个。在这之前，我们个先人读文章个辰光用啥闲话呢？当然就是用方言，上海人用上海闲话，苏州人用苏州闲话，几乎现在每一个字都既有伊个普通闲话读音，也有伊个方言读音，只不过读音勿一样，但是字是同一个字。例如“我”普通闲话是wo，上海闲话是“ngu“（上海话拼音），苏州闲话是”ngou“（苏州话拼音）。同时有些动作，有些称谓勿同个方言是用勿同个词语来代表个，搿能个情况是会出现用个字也勿一样个。例如第二人称，普通话用”你“，上海话用“侬”，苏州话用“倷”。
之所以提倡用正字一方面是因为搿个是从古代就传下来个传统，一方面搿个也是经得起辰光个检验个。现在有些朋友提出上海闲话个写法勿用拘泥于正字，用普通闲话拟音看得懂就好。但是搿种做法就如同用外文个字来注解中文一样，因为发音个声母韵母个系统全不一样，是根本勿可能来代替上海话个正字个。就像用“无”来代表上海闲话个“我”一样，首先上海闲话个“我”读法是同上海闲话个“饿”（ngu上海话拼音）个，于上海闲话个“无”（vu）读音本来就勿一样，第二与普通话就更加勿像了。又哪能好去代表呢？又或者上海闲话之中个词语“是是”，“时事”，“水师”用普通话拟音恐怕都要变成“四四“勒伐？，可事实上，”是是“，”时事“是浊音(zyzy)，而“水师”是清音(sysy），两种个勿同读音又哪恁用普通话代表呢？另外反过来用，人家看到“四四”岂不是要去猜测是上头几只词语个哪一个了？这样的话上海闲话又哪能有效率呢？没效率个闲话又哪能会得勿被淘汰呢？
现在有人提出方言是写勿出来个，甚至于阿拉老多自家人也这样认为。搿个是勿对个。实际上汉字勿独是普通话个字，伊是整个汉语各种方言个文字，只要坚持正字。勿管是上海话也好是杭州话也好全是可以写出来个。宋庆龄做报告之所以可以用上海闲话，也是因为用正字读音个方法。
另外现在已经有上海闲话个拼音了，也可以用拼音注汉字上海闲话个发音了，对上海闲话正字读音个学习是很有利了。会了上海闲话可以有真正个地位，阿拉一定要坚持正字来表达上海言话。

姬远清

有星正字忒烦,电脑上头也弗一定可以支持.尔星是比较讨厌气个.

吴语越音

搿也没办法，吴语晓得个人也勿多。

吴声吴戏

慢慢来，一口吃不成胖子

parisiica