【新民晚报】钱教授答疑

上海闲话abc

钱教授答疑

日期：2011-04-05 作者： 来源：新民晚报

　
　
    问：为啥上海闲话当中“贵”读ju？
   
    答：各个地方个方言，辣中古音个基础浪发展变化，快慢是勿一样个。普通话韵母是ui的字，辣辣上海话当中读yu，同时伊拉个声母，普通话是g、k、h，而上海话是j、q、x。不过辣辣南宋以后，上海话辣辣“文读(读书音)”个词语里，也接受了北方话的音。
   
    譬如：“物事贵”个“贵”，普通话讲gui，上海话讲ju，不过“贵族”搿个文读词里读gue；
   
    “鬼gui”：辣上海话里讲ju，不过辣“牛鬼蛇神”里读gue；“鳜gui鱼”：辣上海话里讲“ju鱼”，也讲“gue鱼”。“归去”个“归”，辣上海郊区还讲“ju”（降调）。
   
    “柜台”上海口语里讲“jhu台”（浊声母），“跪”讲“jhu”，“钟馗kui”上海话原叫“钟jhu”。
   
    “吃亏”，上海话讲“吃qu”；“喂wei奶”，上海话讲“yu奶”；“围巾”上海话讲“yhu巾”，“围身”讲“yhu身头”小囡个围嘴叫“yhu袋袋”。“筑圩”，普通话讲“筑wei”，上海话讲“筑yhu”。
   
    北部吴语里，各类字个读音，一般脱上海话里一样读法。上海话搿点字脱仔其他个字个“白读”脱仔“文读”差异，辣旧年12月12日“侬问我答”里向列出过。
   
    更正：上期“侬问我答”更正如下：上海话指人指物，“搿个、迭个”是近指，“埃个、伊个”是远指，为啥一篇文章写自家小辰光吃零食，题目是《搿个辰光个零食》？