【观点】吴语教程勿是做上海方言或者苏州方言教程

Terrist

做吴语教程，勿是做某个城市嗰“方言教程”，既然是书面语，就应该像普通话箇介，勿是全部北京闲话，而是基于北京方言，吸收引用自大量文言或者其他南方语言嗰词汇。

箇个BBS现在撰写吴语教程勒嗨，格么诸如一眼上海闲话里向，忒呒没水准嗰词语，或者文法就应该作适当嗰修正。

（一）文法嗰修正搭规范：
      比如：
      既然“…较”相当于普通闲话嗰“…的”，格么下回侬假使要表达“愉快的去”辰光，就请表达成“愉快较去”，勿要贪翻译嗰省力，直接表达成“愉快嗰去”。侬要晓得，吴语嗰“三个‘的/得/地”也是分工明确嗰。
      箇就是我要讲个语法嗰修成搭规范，大家可以运用到其他箇种情况高头。

（二）辞藻嗰修成搭规范：
     上海因为自身嗰巨大影响力，加之民众本身语言基于经济嗰贵贱心态，使得上海闲话就算词汇再堕落，也显得比其他方言要“体面”。
     比如：上海闲话嗰“下半天”搭嘉兴闲话嗰“下昼”比起来，是“下半天”雅还是“下昼”雅？勿清爽嗰朋友呆板会得选择上海闲话嗰“下半天”，因为上海闲话“体面”嘢。不过，就吴语而言，“下半天”箇毫无吴语特色，更加毫无“雅”可言。
    再比如：上海闲话嗰“中饭”搭宁波闲话嗰“昼饭”比起来，是何里个“雅”？大家看到我以上嗰介绍应该心理想清爽嘞。

    类似嗰情况比比皆是。
    我认为吴语教程应该基于上海闲话，以上海音系以及词汇体系为基础之上，但应当适当修正词汇搭文法。至少勒书面高头，应该适当修正搭汲取周边城市优秀嗰辞藻。

寒寒豆

赞成个。
上海音系+各地经典词汇，建议专门开一节，聊聊南吴土话。

［ 本帖最后由 寒寒豆 于 2009-08-10 12:26:00 编辑 ］

吴语越音

做吴语教程，勿是做某个城市嗰“方言教程”，既然是书面语，就应该像普通话箇介，勿是全部北京闲话，而是基于北京方言，吸收引用自大量文言或者其他南方语言嗰词汇。

箇个BBS现在撰写吴语教程勒嗨，格么诸如一眼上 ...
Terrist 发表于 2009-8-10 09:47 ↩️

不是雅的问题，如果吴语自己的介绍不是贴近生活那么又怎么能够得到本地人的支持呢？如果和本地话差别越大，本地人的认同感就越少。

夷州海客

就叫上海話教程好了
多了反而不行，最終成為四不像

吴语越音

本来就是先做一只，再做第二只。哪能可能侪做呢？