【建议】伢可以自家翻譯嚸物事嗰呀……

湖州闲话

譬方搿種，吾辣“吳語論壇”浪發過特...


          吾個高中同學，一日半夜裏伊辣半睏半覺個辰光，聽著一個人辣伊耳朵 邊浪廂 清清爽爽個話：哎，儂壓牢吾個物事了！哎，儂壓牢吾個物事了！伊啊勿曉得哪哼，就仄轉，翻特個轉身，搿聲音就嘸撥辣特。

     表妹上大學個辰光，辣一個禮拜日，伊拉宿舍裏個一個丫頭家有事體跑出去特，伊交代別人家，講伊一定會得回來個，必過可能要晚（mae）嘀，葛佬搭伊扇門開乎。可是伊一直到特寢室熄燈啊嘸撥回來，其他人就閛門先睏脫。伊拉辣睏個辰光像煞聽著哀個女同學辣辣叫門。有人去挪扇門開特。搿個丫頭進屋鬧猛特一陣咾再睏下來（那個人是表妹同學個下鋪，葛佬伊有明顯感著下鋪確實睏特一個人）。第二日上半日搿個女學生個床鋪已經空特，儕部物事儕齊齊整整個。話起來伊拉儕有伊昨晚回來個印象。因為搿一日大家選個課是兩樣個，葛佬儕當作伊老老早早就上課去特。 中午個辰光她伊拉個輔導員叫宿舍個人儕留下來特，講搿個女孩個昨天出車禍死脫了…… 伊拉當時就呆脫特，因為儕部人儕聽著伊昨晚回宿舍特（必過嘸撥人高興承認是自家去開個門）。 分析作興是因為“一定會得回來個”搿句閒話，搿個女學生心裏廂惦記著伊，葛佬即便變鬼特也要完成。

吴语越音

当然是可以个啊。

Terrist

繁体字看的有点累呃，能有一个中国字版本吗？

吴语越音

繁体字也是中国字啊？习惯习惯就好了，好像论坛浪也有得几个人欢喜用正体字个。

Terrist

好像论坛浪也有得几个人欢喜用正体字个。

正體字多好啊，自從用了正體字，吃得好，睡得香，拉得爽

热度

禁止了？覅嚇我噢
啥臺灣字 中國字……還日本字啊？暈厥

百脚麻衣

看不懂。 不知道 吴语的 侬是第二人称还是第一人称
伊 是第三人称？

Basatio

“侬”单用现在一般是第二人称吧，虽然古时候当过第一人称的
“伊”是第三人称，上海、浙北用的
楼上是温州的？欢迎啊

百脚麻衣

吾是永嘉人。是 bi yun tao 的朋友

benojan

          我高中一個同學，一日半夜個時候，曉弗得是醒勒搭阿是困去爻，祗見聽著有人徠佢耳朵邊講響，聽起來清爽顯，講：「誒，爾畀我物事捺牢唻！誒，爾畀我個物事捺牢也！」佢也曉弗得怎奈，人轉過來，箇聲音便嘸爻。

     表妹讀大學個時候，箇日星期日，佢宿舍裏一個女同學講有事幹要趒出去，搭別人講講佢便會轉來，祗不過轉來慢晏顯爻，講門休要畀伊關爻。到寢室燈都熄爻佢都還朆轉來，哈別人伐便畀箇門關爻伐先睏。佢里睏睏伐搭個聽著箇女同學徠旁䜒開門響。哈有人趒去伐畀個門開爻。箇女同學趒進來妝一昶爻哈睏落去爻（旁個人是表妹同學個下張，佢明顯感覺得出下張有人睏勒旁）。第二日早界箇女同學個眠牀空勒旁，物事都理起好好個爻。佢里都有印象，箇女同學昨夜轉來過。箇日佢里選個課都弗樣，佢里都忖個女同學早早個伐上課去爻。日晝渠里個輔導員䜒同宿舍許人都留落來，搭佢里講箇女同學昨夜䜒車撞爻，死爻。佢里當時便呆爻，全部人都講佢昨夜轉宿舍里來爻(不過嘸人承認是渠開個門）。 講轉來弗著爻“便會轉來”句話，箇女同學還記牢，佢做鬼也要畀伊完成爻。

［ 本帖最后由 benojan 于 2009-03-17 20:50:00 编辑 ］